सरकारले साउदी,कुवेत मलेसिया लगायतका देशबाट आउने नेपालीहरूका लागि हवाई भाडा घटाएको छ।
पर्यटनमन्त्री योगेश भट्टराईले नेपाल वायु सेवा निगमका अधिकारीहरूसँग छलफल गरेपछि हवाई भाडा घट्ने भएको हो।
हिमालयन एयरलाइन्सले पनि भाडा घटाएर त्यही रकममा नेपाली ल्याउने तयारी गरेको पर्यटन मन्त्रालय निकट स्रोतले सेतोपाटीलाई बतायो।
सेतोपाटीलाई प्राप्त भाडादर अनुसार यसअघि मलेसियाको हवाई भाडा ४ सय ६५ अमेरीकी डलर रहेको थियो। भाडा घटेपछि अब मलेसियाको भाडा ३ सय ७२ डलर कायम भएको छ।
कतारको दोहाबाट नेपाल फर्किन ४ सय ९० डलर तोकिएको थियो भने अहिले ९८ डलर घटाएर ३ सय ९२ डलर पुर्याइएको छ।
दुबईको भाडा ३ सय ७२ डलर कायम गरिएको छ। यसअघि ४ सय ५० डलर रहेको थियो।
साउदी अरबको दमामबाट आउनका लागि १ सय डलर भाडा घटाइएको छ। अहिले ४ सय ३० डलर तोकिएको छ। साउदीको जेहादको भाडा ५ सय ९० डलर तोकिएको छ। यसअगाडि ६ सय ९० डलर रहेको थियो। साउदीको रियादको भाडादर अहिले ४६५ डलर कायम भएको छ। पहिला ५६५ डलर थियो।
ओमनको मस्कटको भाडा ३ सय ६८ डलर कायम भएको छ। यसअगाडि ४ सय ६० डलर रहेको थियो।
यसअघि ४ सय ९० डलर तोकिएको बहराइनको भाडा ३ सय ९२ डलर कायम भएको छ। कुवेतको भाडा ४ सय १० डलर कायम भएको छ। यसअगाडि ५ सय १० डलर रहेको थियो।
त्यस्तै जोर्डनको भाडादर १०० डलर घटाइएको छ। यसअघि ७ सय ७५ डलर तोकिएको थियो भने अहिले ६ सय ७५ डलर कायम भएको छ।
यसअघि साइप्रसको भाडा ८ सय ३० डलर रहेकोमा अहिले सय डलर घटाएर ७ सय ३० डलर पुर्याइएको छ।
भाडादरको सूची
गन्तव्य | पूरानो भाडा(अमेरिकी डलरमा) | नयाँ भाडा |
बंगलादेश | १६५ | - |
नयाँ दिल्ली | २०५ | - |
मुम्बइ | ३१० | - |
बैंगलोर | ३३५ | - |
बैंकक | ३९० | - |
कम्बोडिया | ४०० | - |
दुबइ | ४५० | ३७२ |
आवुधाबी | ४५० | ३७२ |
सारजाह | ४५० | ३७२ |
माल्दिभ्स | ४८० | - |
ओमन | ४६० | ३६८ |
क्वाललम्पुर | ४६५ | ३७२ |
दोहा | ४९० | ३९२ |
बहराइन | ४९० | ३९२ |
हङकङ | ५२० | |
कुवेत | ५१० | ४१० |
दमाम(साउदीअरब) | ५३० | ४३० |
रियाद | ५६५ | ४६५ |
जेद्हा | ६९० | ५९० |
जोर्डन | ७७५ | ६६५ |
साइप्रस | ८३० | ७३० |
नारिता | ९७५ | |
खार्तुन(सुडान) | ८९० | |
फ्रयाङकफर्ट | ११९० | |
लन्डन | १२८० | |
सिड्नी | १६१५ | |
सियोल | ८७५ | |
कहाँ उडान कहिले हुन्छ?
बुधबारकै उडान तालिका कायम रहने मन्त्रालयले जानकारी दिएको छ। पहिलो चरणमा सरकारले विभिन्न देशबाट २४ हजार नेपालीलाई स्वदेश फर्काउने तयारी गरेको छ।
यसका लागि कूल ६७ चार्टर्ड उडान गर्ने योजना बनाएको सरकारले नेपाली वायुसेवा कम्पनीलाई ४३ र विदेशी कम्पनीलाई २४ उडानको अनुमति दिइने मन्त्रालयले यसअघि नै निर्णय गरिसकेको छ।
मिति | उडान हुने ठाउँ |
जेठ २९ | कुवेतमा (२ उडान) |
जेठ ३२ | बंगलादेश |
असार १ | माल्दिभ्स, मलेसिया, साउदी अरब, सिंगापुर/कम्बोडिया, ओमन |
असार २ | दुबई, कतार, कुवेत, श्रीलंका (कम्बोडिया)/ माल्दिभ्स |
असार ३ | अष्ट्रेलिया, बैंकक, बहराइन, बंगलादेश, कतार, संयुक्त राज्य अमेरिका |
असार ४ | साउदी(रियाद), दुबइ, मलेसिया, ओमन |
असार ५ | जापान(नारिता), कुवेत, साउदी अरब, नाइजेरिया |
असार ६ | साइप्रस, मलेसिया, कतार,आबुधाबी (संयुक्त अरब इमिरेट्स), बंगलादेश, युरोपियन युनियन |
असार ७ | दक्षिण कोरिया, ओमन, कुवेत, मलेसिया |
असार ८ | अष्ट्रेलिया, बैंकक, पाकिस्तान, कतार |
असार ९ | जापान (नारिता), माल्दिभ्स, आबुधाबी, युगान्डा |
असार १० | साउदी अरब, कुवेत |
असार ११ | संयुक्त राज्य अमेरिका, साइप्रस/इजरायल |