Mielbesoarchster ûnder bedriging fan mes berôve fan fyts yn Ljouwert
In mielbesoarchster is tongersdeitejûn ûnder bedriging fan in mes berôve fan har fyts. Dat barde oan de Verlengde Schrans yn Ljouwert, sa meldt de plysje fan de haadstêd.
It slachtoffer waard yn de buert fan de Ferdinand Bolstraat troch twa foarbykommende fytsers fan har fyts trape. Dêrtroch foel de frou. Har fyts waard ûnder bedriging fan in mes fan har ôfpakt.
Doe't it slachtoffer de fyts werom besocht te pakken, makke ien fan de manlju stekkende bewegingen. De fertochten soenen twa manlju tusken de 17 en 19 jier wêze. De plysje freget minsken dy't wat sjoen hawwe om kontakt op te nimmen.
