'Opgewonden' sfear by ynformaasjegearkomste oer opfang jonge asylsikers yn Appelskea
De sfear by de ynformaasjegearkomste oer de opfang fan jonge asylsikers yn Appelskea wie tongersdeitejûn 'opgewonden'. Dat seit Jan van Gelderen, foarsitter fan it doarpsbelang yn Appelskea.
Yn hotel Aan de Vaart komt in needopfang foar allinnichsteande minderjierrige asylsikers. Ein novimber wurde de earste flechtlingen fan 15, 16 en 17 jier ferwachte. Der komme maksimaal 60 jongelju, allinnich jonges, yn de needopfang. Foar't de earste jongeren in plakje krije kinne, moat der earst noch ferboud wurde.
It Centraal Orgaan opvang asielzoekers (COA) hat de gemeente Eaststellingwerf twa wiken lyn op de hichte steld. De bewenners hearden begjin dizze wike fan de plannen.
Ferhaal helje
Neffens Van Gelderen kamen der mear as twahûndert minsken ôf op de ynformaasjegearkomste. "Er waren natuurlijk heel veel mensen die zich overvallen voelden door het besluit. Die kwamen op hun manier een beetje verhaal halen", seit Van Gelderen.
In dialooch wie neffens de foarsitter lykwols lestich. "De meerderheid wilde eigenlijk dat die jongens helemaal niet komen."
Belofte brutsen
Van Gelderen begrypt lykwols wol wêr't de lilkens weikomt: "De boosheid is eigenlijk het volgende: er is ooit een azc geweest in Appelscha. Daar zijn ook veel incidenten geweest, zelfs de ME heeft moeten optreden. Uiteindelijk is dat azc gesloten. De toenmalige burgemeester Oosterman heeft toen gezegd: er komen geen vluchtelingen meer in Appelscha. Dat is eigenlijk de boosheid, want ze vinden dat een belofte is gebroken."
It pleatslik belang hat offisjeel noch gjin stânpunt ynnaam. Dêr wurdt moandei oer praat. Van Gelderen tinkt lykwols dat se der 'neutraal' tsjinoer stean. "Maar ik vermoed ook dat het zal gaan van: laten we nou kijken hoe het gaat. Misschien hebben we wel angst voor niets", seit de foarsitter.
