Foar dizze studinten jildt de enerzjykompensaasje yn Ljouwert
Net alle studinten witte dat se no enerzjykompensaasje krije
Sa'n 1.000 oant 1.500 studinten yn Ljouwert krije nei alle gedachten dochs in enerzjytaslach. It giet om studinten dy't in enerzjyrekken op harren namme hawwe.
De kompensaasje wurdt per húshâlden útdield. Foar húsgenoaten dy't in rekken diele, krijt de persoan by wa't de rekken op de namme stiet de kompensaasje. Dat moatte se sels ferdiele.
Freed waard bekend dat Súdwest-Fryslân ek in enerzjytaslach jout oan selsstannich wenjende studinten. Dat kostet de gemeente nei alle gedachten 143,000 euro, mar dat wurdt dutsen troch in bydrage fan it Ryk.
