TenneT hellet 250 ton swiere transformator by Tytsjerk fuort om't er stikken is

De transformator sakke folslein wei yn de grûn © Omrop Fryslân, Arjen Bosselaar
De 250 ton swiere transformator dy't begjin septimber troch it fean sakke by Tytsjerk, kin net mear brûkt wurde. Dat docht bliken út ûndersyk fan netbehearder TenneT. Dêrom wurdt it apparaat ynkoarten demontearre en ôffierd.
De netbehearder giet der fanút dat de transformator stikken is, seit omjouwingsmanager Maarten Scholten: "Om hem helemaal goed te testen moet je hem eigenlijk rechtop zetten waar hij nu ligt. Dat gaat zoveel geld kosten en overlast geven dat het de moeite niet waard is, omdat de transformator waarschijnlijk niet meer functioneert."

Nije transformator nedich

Dêrom wurdt de masine útinoar helle en, foar safier mooglik, recycle. De netbehearder hopet begjin jannewaris útein te setten mei it wurk, as it waar dat talit.
Dat betsjut wol dat der letter in nije transformator komme moat, om't de transformator dy't no noch yn de greide by Tytsjerk leit in ferfangend eksimplaar is foar in stikkene transformator.
"We zijn nu aan het kijken of we elders een werkende transformator vandaan kunnen halen, die we dan bij Louwsmeer kunnen gebruiken", leit Scholten út. "Maar het kan ook zo zijn dat er een nieuwe gebouwd moet worden. Dat zijn overwegingen die we nu aan het maken zijn."

'Niet weer misgaan'

By TenneT witte se noch altyd net wat der no krekt misgie, doe't de transformator begjin septimber troch it fean sakke.
"Dat is belangrijk om te weten voor het toekomstige transport. Je wilt niet dat het weer misgaat. Daarom onderzoeken we meerdere mogelijkheden om een nieuwe transformator bij het transformatorstation te krijgen. Dat kan via dezelfde route zijn, maar dat kan bijvoorbeeld ook over de weg."