Jorrit Bergsma hat ien wedstriid omsirkele, Femke Kok jaget op revânsj

It ynternasjonale reedrydseizoen set hjoed útein yn Stavanger, yn Noarwegen. Twa wiken lyn wie de ôftraap fan it Nederlânske reedrydseizoen mei it kwalifikaasjetoernoai foar de earste fjouwer wrâldbekerwedstriden.

Yn Thialf makken Antoinette Rijpma-De Jong en Marrit Fledderus in sterke yndruk, wylst Femke Kok har nivo fan de ôfrûne seizoenen noch net helle.

"Ik fûn dat der op it wrâldbekerkwalifikaasjetoernoai in oantal Fryske reedriders boppeút stutsen. Jorrit Bergsma moast it twa kear krekt ôflizze tsjin Patrick Roest, mar notearre prima tiden foar dizze faze fan it seizoen. Hy docht gewoanwei dit wykein ek mei om it goud op de 5.000 meter.

By de froulju wie Antoinette Rijpma-De Jong solide twa wiken lyn. Se sjocht ek noch altyd ferbetterpunten en heart by de kânshawwers op de 1.500 en 3.000 meter."

"En Marijke Groenewoud is echt dé frou om yn de gaten te hâlden de kommende jierren. Dy wurdt better en better en it is in kwestje fan tiid dat dy Rijpma-De Jong en Irene Schouten derôf ride sil, as se sa trochgiet."

"Dy hie wol efkes in tikje te ferwurkjen twa wiken lyn, doe't se har net pleatste foar de wrâldbekers op de 1.000 meter. Dat tikje wie doe sa grut, dat se gjin sjoernalisten te wurd stien hat en lilk fuortgien is út Thialf. Mar dêrûnder hat se no in streek set, en se hat fansels de 500 meter noch altyd om op werom te fallen.

Mar op dy ôfstân ried Jutta Leerdam ek goed. Dy beide froulju sitte op de 500 meter hiel ticht byinoar. Miskien is it foar Kok no in foardiel dat se mar ien ôfstân rydt, tsjinoer trije foar Leerdam."

"Ja, sis dat wol. Se ferbruts har persoanlik rekôr op de 500 meter twa wiken lyn. Se hat ôfrûne simmer echt wer in stap makke en is noch altyd mar 21 jier. Ik tink net dat se al in medalje helje kin yn it ynternasjonale fjild, mar as se dizze ûntwikkeling trochset, duorret dat net lang mear."

"It is seker in wichtich seizoen. Jorrit Bergsma wol fansels sjen litte dat de oerstap nei syn nije ploech Jumbo-Visma fertuten dien hat."

"En hy hat yn syn karriêre yndie in hiel soad wûn, mar dochs hat er ien wedstriid mei read omsirkele yn syn aginda: op it wrâldkampioenskip ôfstannen yn Thialf hopet er de 5.000 meter te winnen. Nea earder wûn er de wrâldtitel op dy ôfstân nammentlik."

"Noch net echt, mar dêrfoar is it ek noch wat te betiid. Hy is in pear wiken lyn pas úteinset. De nammen dy't er no foar de ploege-ûnderdielen oproppen hat, binne ek net hiel ferrassend.

Je sjogge syn hân wol werom yn it gedrach fan de reedriders. Se nimme de teamûnderdielen dúdliker serieuzer as de ôfrûne jierren ûnder Jan Coopmans. Der wurdt faker mei-inoar traind en dat is in goed teken. Dat moat him letter yn dit seizoen útbetelje."