Kind aan Huis siket gastgesinnen
Hieltyd mear gemeenten yn Fryslân stekke jild yn it projekt Kind aan Huis fan helporganisaasje Humanitas. Dêrby wurde bern en jongeren dy't it thús dreech ha sa no en dan ûnderbrocht by in gastgesin. Ek Weststellingwerf siket gastgesinnen.
"Kinderen sneeuwen soms onder in een gezin waar ouders veel stress hebben of waarbij veel aandacht naar een broer of zus gaat vanwege bepaalde problematiek," seit Margriet Verloop fan Humanitas en belutsen by Kind aan Huis.
Sa'n bern kin yn in oar gesin wat mear rêst en oandacht krije. "Het hoeft niet per se een gezin met kinderen te zijn, ook een alleenstaande is prima. Als iemand maar een open blik heeft en affiniteit met kinderen."
It projekt yn Fryslân is koartlyn ek start yn it noardwesten en súdeasten fan de provinsje. Mei mear bekendheid hoopje se mear gastgesinnen te finen.
Belangstellenden kinne kontakt opnimme mei Margriet Verloop (m.verloop@humanitas.nl) en op www.home-start.nl stiet mear ynformaasje.
