Trije minderjierrige fertochten oanhâlden foar grutte brân op De Gordyk
Foar de grutte brân op De Gordyk hat de plysje trije minderjierrige fertochten út it doarp oanhâlden. Tongersdeitejûn gienen by de brân oan de Kerkewal twa gebouwen folslein ferlern.
Meardere huzen moasten doe ûntromme wurde. Net ien rekke ferwûne.
"Twee verdachten konden we de ochtend na de brand aanhouden op basis van getuigenverklaringen en de derde konden we vanochtend aanhouden," seit Peter Horinga fan de plysje. De trije fertochten wurde heard.
Meardere oanhâldingen wurde net útsletten. De plysje ropt tsjûgen op om har te melden.
Nei de oarsaak wurdt noch ûndersyk dien. "Er zijn een aantal scenario's, er gaan meerdere verhalen rond en we doen onderzoek om het plaatje compleet te krijgen." Dêrfoar wurde ek bylden út de buert besjoen.
It giet dus om jonge Gordyksters. "In verband met de privacy doen we geen uitspraken over de leeftijd."
Peter Horinga fan de plysje
