Rykswettersteat pleatst nochris 7.500 sânsekken op de A7
Rykswettersteat pleatst nochris 7.500 grutte sânsekken yn de Prinses Margriettunnel op de A7 tusken Snits en De Jouwer. It giet om in foarsoarchsmaatregel. Der is woansdei begûn mei it pleatsen fan de sânsekken.
Rykswettersteat pleatst de belesting om foar te kommen dat de oare eleminten ek omheech komme. It giet mei-inoar om 26 tunneldielen. Dêr komt ien laach fan sânsekken op te stean. Op it elemint dat omheech komt, stean se trije heech.
Ofbrutsen grûnankers
Ferline wike waard de A7 ôfsletten, om't it asfalt op de dyk omheech kaam. Rykswettersteat tinkt dat it komt troch grûnankers dy't ôfbrutsen binne. It grûnwetter soe derfoar soargje dat it elemint omheech komt. Fuort hat Rykswettersteat 2.200 grute kúbspûden fol sân pleatst op it elemint. Dat is al mei al 5 sintimeter omheech kaam.
Op it stuit rint it ûndersyk nei de krekte oarsaak noch. Rykswettersteat is ek dwaande mei it opsetten fan in team dat komme moat mei oplossingen foar de ûntstiene problemen.
Der komme nochris 7.500 sânsekken op de A7
