Foar it tredde jier op rige ôfslachte guozzen fûn op De Gordyk: "Een heel bizarre vondst"

In deade goes (argyfbyld) © Omrop Fryslân, Jeroen Boersma
By in kuier mei syn hûn hat in kuierder by it Werkmanspad op De Gordyk ferline wike fiif deade, ôfslachte guozzen fûn. In dei letter fûn er nochris safolle. It wie net de earste kear dat op itselde plak ôfslachte guozzen fûn binne.
"Een heel bizarre vondst", seit Saskia Thijssen fan de bistebeskerming. Dêr falt de biste-ambulânse de Wouden ek ûnder. "Je kunt je ook voorstellen hoe het voor onze vrijwillige dierenambulance is om op zo'n vreselijke melding te reageren."

Tredde jier

"Het is het derde jaar op rij dat op dezelfde plek dode ganzen zijn gevonden", fertelt Thijssen. De bisten waarden oare jierren ek oan it begjin fan it nije jier fûn.
"Het is speculeren, maar door het feit dat het voor het derde jaar op rij gebeurd, zou je kunnen denken dat deze dieren voor consumptie zijn gebruikt."
Dat de yngewanten út de bisten helle binne en se boppedat al trije kear op itselde plak, om deselde tiid hinne fûn binne, slút neffens Thijssen yn elts gefal út dat de bisten troch in oar wyld bist oanfallen en ombrocht binne.
Dit is helemaal niet van deze tijd.
Saskia Thijssen fan de bistebeskerming
"Dit soort dierenleed vinden wij als dierenbescherming onnodig, dit is helemaal niet van deze tijd", seit Thijssen.
De biste-ambyulânse hat de bisten ophelle en der is melding dien by de plysje. "Als je iets weet, neem dan contact op met 144."