Wetterskip Fryslân bout twa nije gemalen by Ealahuzen
Wetterskip Fryslân is úteinset mei de bou fan de fiskfreonlike gemalen fan Harich Ealahuzen, en de Groote Noordwolderpolder. De gemalen ferfange twa besteande gemalen, dy't sloopt wurde sille.
De twa âlde gemalen komme út 1967 en 1975 en ha neffens Wetterskip Fryslân harren technyske libbensdoer berikt. De nije gemalen komme súdlik fan de besteande gemalen by de krusing tusken de Tsjerkewei en de Wâldwei.
Troch de gemalen krekt fierderop te bouwen, kinne de âlden it gebiet foarearst bemealjen bliuwe. It folsleine projekt kostet rom fiif miljoen euro. De nije gemalen moatte mids dit jier klear wêze.
